Krían er komin

Fyrstu kríurnar sáust í gær, 29. apríl. Tvær flugu yfir Granda austan fjarðar, svona eins og undanfarar þeirra eitt þúsund svifléttu pólfara sem á eftir koma.

Og skilaboðin eru: Frábært vor á Sigló!
Góðviðri flesta daga, enginn snjór á láglendi og lítill í fjöllum. Flestir farfuglarnir komnir.
Álftin á Leiruhólma farin að liggja á, æðarfuglinn að setjast upp og þær fyrstu byrjaðar að verpa, viku fyrr en nokkru sinni áður segja þeir gömlu kallar sem fylgst hafa með í áratugi. Ykkur óhætt að koma!
Líklega nóg af síli á firðinum eins og oftast áður!   -ök. Ljósm.SK.