Fiskur úr Barentshafi

Sigurbjörg ÓF 1 - 1530 losaði á Siglufirði í gær frosnar fiskafurðir úr afla skipsins, veiddum í Barentshafi.

þangað fór togarinn í byrjun janúar, Það mun vera um fjögurra sólarhringa sigling á miðin.

Alls komu nú um 236 tonn frá borði og var aflanum komið fyrir í frystigeymslu Ramma hf.

Þar hafa verið allnokkrar byrgðir af frosnum afurðum sem komið hafa frá skipum úrgerðar Rammi hf. og frá fleiri skipum.

Smátt og smátt hafa þær afurðir verið fluttar með bílum "suður" og til útflutnings með skipum.