Héðinsfjarðargöng

Leiðin í morgun á leið til Héðinsfjarðarganga Siglufjarðarmegin var nokkuð torsótt vegna skafrennings og snjókomu beggja vegna við Ásinn. Er sksiglo.is kom upp á ásinn, far einn af bílum Metrostav sem var með kaffi og meðlæti til þeirra sem voru að vinna í göngunum Héðinsfjarðamegin, pinnfastur í snjóskafli.

Honum var hjálpað úr festunni og bílstjórinn sem var einn í bílnum þáði far, þar sem greinilegt var að fararkostur hans mundi ekki komast yfir Ásinn að sinni.

Ekkert hafði verið mokað, þar sem allir Háfellsmenn voru komnir í helgarfrí. Þokalega gekk til bækistöðva Metrostav manna í Héðinsfirði og inn í göngin þar.

Verið var að færa til rafstreng þar inni, og fleira.
Þá voru þeir við gangamunnann að brasa við frostnar vatnslagnir.
Stoppað var stutt og teknar nokkrar myndir eins og venjulega á fimmtudögum og síðan haldið til baka.

Á þeim tíma hafði snjóa báðum megin ganganna og skafið mikið og fyrri hjólför á Ásnum voru horfin og meiri snjór kominn en sksiglo.is gerði sér grein fyrir og festi auðvitað bíl sinn.

Hringt var í vin til aðstoðar, sem brást fljótt við eins og hann er vanur, en í millitíðinni kom frá Héðinsfirðinum stór jeppi Metrostav manna ásamt bílstjóra áðurnefndrar bifreiðar og losuðu jeppa sksiglo úr festunni, rétt í þann mund er hjálpin barst úr bænum.
Metrostav menn glottu góðlátlega og annar sagði “fifty, fifty”  sem ekki var misskilið og hvatt með brosi á vör.  

Myndir frá ferðinni eru HÉR

Alls hafa verið sprengdir um 4890 metrar eða 48 metrar frá síðasta fimmtudegi í göngunum Ólafsfjarðarmegin og eru því um 145 metrar eftir, um 1 %