Héðinsfjarðargöng

Frekar rólega hefur gengið við borun Héðinsfjarðarganga frá síðasta fimmtudegi, aðeins 33 metrar eða alls 1848 metrar.

Bergið virðist nokkuð gljúpt en ekkert vatn er þó að tefja þá. Verið var að enda við í morgun um vaktaskiptin að brjóta og losa um laust berg eftir síðustu sprengingu, og hafinn var útkeyrsla á eftirstöðum bergbrotsins.

Unnið er við að gera varanlegt pláss, ræsi fyrir, síma, rafmagn og vatnslagnir sitthvoru megin í göngunum Siglufjarðarmegin, jafnhliða því sem verið er að sementssprauta loft og veggi til styrkingar og betra útlits.

Háfellsmenn eru að vinn beggja megin ganganna við undirstöður fyrir vegskálann að austanverðu og vegskálann sjálfan að vestanverðu, auk þess sem verið er að flytja efni í sem komið hafa úr göngunum á ýmsa staði tilheyrandi verkinu.


 Myndir frá í morgun eru HÉR


Ólafsfjarðarmegin var hætt að bora síðastliðinn laugardag, vegna samkomulags milli Metrostav og Vegagerðarinnar.
En fækkað hefur verið hjá Starfsmönnum Metrostav sem nemur tveim vöktum. Önnur vaktin Ólafsfjarðarmegin fór erlendis í frí í óákveðinn tíma og hin vaktin Ólafsfjarðarmegin var send til ganganna Siglufjarðarmegin til að taka við af annarri vaktinni þar sem send var einnig í óákveðið frí heim til Tékklands.
Þetta mun vera ein af mörgum óæskilegum afleiðingum fjármálakreppunnar.

Frá síðasta fimmtudagi til laugardags þegar hætt Ólafasfjarðarmegin, var staðan 25 metrar, eða alls 4485 metrar

Háfellsmenn eru þó á fullu Ólafsfjarðamegin við ýmis verk inni í göngunum meðal annars.

Leiðinda veður, hvasst og slydda var á öllum vinnustöðunum í morgun, nema inni í göngunum að sjálfsögðu.

Alls eru um 5 % eftir af verkinu við borun ganganna, það er 560-570 metrar eru eftir þar til hægt verður að fara í gegn frá Siglufirði til Ólafsfjarðar. Það verður þó að sjálfsögðu ekki hleypt almennri umferð um svæðið frekar en í dag, meðan vinna við göngin stendur yfir.