Torfæruakstur !

Fréttir

Torfæruakstur !

Komnir til baka - Smelltu á myndina

Bílaumferð sem fáir gátu átt von á að sjá á þessum tíma á viðkomandi stað eftir snjókomu síðustu daga, blasti við þeim sem litu yfir á Saurbæjarásinn á Siglufirði seinni partinn í gær.

Það var nokkuð öruggt að þangað höfðu engin snjómoksturstæki komið síðustu daga.

En samt voru þarna þegar flestir voru, 6 jeppar þar á meðal gamli góði Wilys jeppinn.

Eftir að hafa fylgst um stund með hópnum frá Hafnarbryggjunni, var ekki sjá að erindið væri annað en að prófa “gæðinga sína” þarna á ótroðnum snjónum sem huldi veginn sem liggur uppi á Ásnum.

Smá barningur var á leiðinni fyrir fyrsta bílinn, en hinir komu án erfiðleika í hjólförin, og Wilysinn einnig án vandræða.

Snúið var við neðarlega á Ásnum og haldið síðan til baka. Það skal áréttað að þarna var ekki farið yfir mörk markaðs vegaslóða, og því engar skemmir á gróðri sitthvoru megin við vegaslóðann sem þarna er..

Til baka