Skíðasvæðið á Siglufirði

Það er bjart yfir skíðasvæðinu í Skarðsdal, en skuggarnir allt í kring. Þessa fallegu mynd af skíðasvæðinu á Siglufirði tók Steingrímur Kristinsson 22. desember.

Skíðasvæðið í Skarðsdal má tvímælalaust telja með bestu skíðasvæðum landsins Þetta er snjómikið svæði og hefur verið hægt að skíða þarna fram á vor. Á svæðinu eru nú þrjár lyftur, tvær samfelldar lyftur, diska og T-lyfta sem samtals eru u.þ.b. 1500 metrar að lengd.

Þriðja og efsta lyftan er 530 metra löng með um 180 metra fallhæð og afkastar hún um 550 manns á klukkustund. Efri endi lyftunnar er í rúmlega 650 metra hæð yfir sjó. Núna er mjög gott skíðafæri fyrir alla harðpakkaður nýr snjór.


Mynd: Steingrímur Kristinsson

Texti: GJS