Frakkland í Fjallabyggð

Tvær gamanmyndir og ein rómantísk ástarsaga verða sýndar á

Frönsku kvikmyndahátíðinni á Norðurlandi sem hefst í Fjallabyggð laugardaginn 15. mars. 

Hugmyndin að sýningunum hér kviknaði í heimsókn franska sendiherrans, Marc Bouteiller, og Orra Vigfússonar til Siglufjarðar í fyrrasumar og verða þeir félagar viðstaddir fyrstu sýninguna. 

Greinilegt er að íbúum Fjallabyggðar er mikill heiður sýndur með þessum viðburði og er því full ástæða fyrir okkur að fjölmenna á sýningarnar. Rétt er að nefna í þessu sambandi að Þjóðlagahátíðin í sumar verður með frönsku yfirbragði.

Kvikmyndahátíðin heldur síðan áfram á Akureyri á sunnudag og mánudag. 

Tvær sýningar verða í Bláa Húsinu á Rauðkutorgi og ein mynd í Menningarhúsinu Tjarnarborg.  Marc Bouteiller, sendiherra mun flytja stutt ávarp við upphaf fyrstu sýningar.

Sýningarnar verða sem hér segir: 

Bláa Húsið kl. 14:00 - Starbuck, gamanmynd frá 2011. Hún hefur unnið til níu verðlauna og með 14 tilnefningar á hinum ýmsu kvikmyndahátíðum. Íslenskur texti.

Tjarnaborg kl. 16:00 - Þríburarnir frá Belleville 

Gamanmynd - teiknimynd frá 2003. Tilnefnd til tvennra Óskarsverðlauna 2004. Mynd sem hefur hlotið fjölda viðurkenninga á mörgum kvikmyndahátíðum. Án tals.

Bláa Húsið kl. 17:30 - Prinsessan af Montpensier.

Mynd frá 2010 sem hefur fengið fjölda tilnefninga á kvikmyndahátíðum og unnið til nokkurra verðlauna. Drama - rómantík. Enskur texti. 

Sjá nánar:

 HYPERLINK "http://www.fjallabyggd.is/is/frettir/kvikmyndasyningar-i-fjallabyggd/" http://www.fjallabyggd.is/is/frettir/kvikmyndasyningar-i-fjallabyggd/