Frábær helgi á Pæjumótinu

Pæjumót SPS og Rauðku fór fram um helgina í blíðskapar veðri á Siglufirði. Stúlkur í 6. og 7.flokk tóku þátt á mótinu ásamt því að fram fór systkinamót hjá 8.flokks krökkum. Knattspyrnuleikir hófust á laugardagsmorgun og var spilað til kl 16:00. Eftir að leikjum lauk nýttu margir tækifærið og skelltu sér í sund eða í hoppukastala á Rauðkulóðinni. Laugardagskvöldinu lauk síðan með skemmtidagskrá þar sem Danni og Stúlli spiluðu áður en Latibær kíkti í heimsókn. Skemmtunin var vel sótt af keppendum og fylgdarliði sem og öðrum gestum á Siglufirði og góð stemmning myndaðist.

Á sunnudeginum var spiluð knattspyrna frá snemma morguns til kl 13:00. Áður en keppendur héldu heim á leið fengu allir keppendur afhent verðlaun, mótsgjöf, liðsmynd og bikar fyrir þátttökuna ásamt því að gæða sér á grilluðu pylsum og meðlæti.

Veðrið lék við keppendur og fylgdarfólk báða dagana og var mikil ánægja og gleði sem skein úr andlitum allra á meðan á mótinu stóð og fóru allir heim með góðar minningar frá Pæjumótinu. 

Mótshaldarar vilja koma fram þakklæti til allra sem sóttu mótið sem og styrktaraðilum og sjálfboðaliðum. Við eigum vonandi eftir að sjá sem flesta á Pæjumóti SPS og Rauðku að ári.

Texti og myndir. Innsent efni.