Gúmmíbáturinn í höfninni

 

Gúmmíbátamaraþonið er hluti af fjáröflun fyrir starfi næsta veturs og var unnið í því að safna áheitum nýlega.

 

Áætlað er að vera 2 sólahringa í bátnum.

 

Eins og segir í orðsendingu sem okkur barst frá björgunarsveitinni þá er unglingadeildin Smástrákar eina unglinga starfið sem er ekki styrkt af bænum (Fjallabyggð) og eini kostnaður fyrir foreldra er smá ferðakostnaður og peysukaup. En með því að fara í fjáraflanir eins og þessa er hægt að halda ungliðastarfinu áfram og meiri möguleiki er á að endurnýja búnað sem þarf í þetta óeigingjarna starf.

Glæsilegt hjá björgunarsveitinni og vonandi hafa sem flestir styrkt þetta góða málefni.

Gúmmíbáturinn er staðsettur í höfninni beint fyrir framan Síldarminjasafnið.