Landsmót kvæðamanna 2014

Stemma, landsamband kvæðamanna, hélt landsmót hér á Siglufirði um síðustu helgi.

Mótið hófst á föstudagskvöldi með því að Hilmar Örn Hilmarsson og Steindór Andersen héldu tónleika í Bátahúsinu.

Á laugardeginum var boðið upp á námskeið í tvísöngvum, kveðskaparlist og bragfræði rímna. Um kvöldið kom fólk saman á kvöldvöku þar sem kvæðamenn stigu á stokk og skemmtu sér og öðrum.

Landsmótinu lauk með aðalfundi Stemmu á sunnudagsmorgni.

Samdóma álit mótsgesta var að vel hefði tekist til og Siglufjörður sannarlega „vagga“ kveðskaparlistar líkt og þjóðlaga.

Námskeið í tvísöngvum.

Tveir góðir saman Sigurður Sigurðsson dýralæknir og Páll Helgason

Kvæðamenn á góðri stund.