Spurningakeppni átthagafélaganna 2015

Síðari riðill Spurningakeppni átthagafélaganna fer fram næstkomandi fimmtudag 26. febrúar en þá keppir Siglfirðingafélagið við Átthagafélag Héraðsmanna.

Samtals taka 19 átthagafélög þátt í Spurningakeppni átthagafélaganna í ár og sjónvarpsstöðin ÍNN sýnir frá keppninni. Keppnin hefst stundvíslega klukkan 20:00 í Breiðfirðingabúð Faxafeni 14 (fyrir ofan Bónus).

Úrslitin verða síðan næstu tvö fimmtudagskvöld þar á eftir. Þeir sem mæta í Breiðfirðingabúð komast í verðlaunapott þar sem dregið verður um veglegan vinning á úrslitakvöldinu.

Í hléi er pub-quiz þar sem gestir geta unnið hamborgaveislu eða ferð fyrir fjölskylduna út í Viðey. Dregið verður um stærri vinninga á úrslitakvöldinu. Með því að mæta öll kvöldin er hægt að auka líkurnar á að vinna einhvern af þessum frábæru vinningum.