Tiltekt á Bókasafninu

 

Hrönn er búin að vera að taka til í bókasafninu, þrífa bækurnar og laga til. Búið er að endurraða hillum, laga barnabókaherbergið og ég veit ekki hvað og hvað. Allt semsagt að verða hið glæsilegasta.

 

Svo fékk ég að sjá gamlar plötur sem Hrönn fann í tiltektinni sem og Bíó-bækur sem eru líklega síðan Oddur Thor var með bíóið. Í þær eru skráðar allar sýningar og myndir sem voru sýndar á þessum árum.

 

Hrönn er að koma upp smá safni með gömlum hlutum sem bókasafnið hefur fengið að gjöf í gegn um tíðina og verður spennandi að fylgjast með því og það er virkilega gaman að skoða það sem Hrönn hefur fundið.