Tvöþúsund nýjar plöntur
Nyrsti plantaði skógur við norður Atlantshaf hefur nú fengið tvöþúsund nýjar plöntur sem settar hafa verið niður með aðstoð sjálfboðaliðasamtakanna Seeds. Nú vinna sjálfboðaliðarnir að því að grisja skóginn aðeins svo hann fái vel að dafna og þegar fréttamaður mætti á staðinn biðu heilu fjöllin af trjágróðri þess að vera fjarlægð.
Þrátt fyrir vætu var ekki betur að sjá en að allir væru hressir í skógræktinni en þar var tekist á við stór sem smá tré með klippum og keðjusög. Þá var einnig verið að leggja út nýjan göngustíg ofan við skógræktina.
Krakkarnir frá Seeds komu meðal annars frá Frakklandi og bandaríkjunum og voru sumir þeirra búnir að skipuleggja sig í sjálfboðaliðastörf á Íslandi í hálft ár. Góð leið til að kynnast landi og þjóð.
Ekkert smáræðis fjall sem hér er búið að hlaða.
Hér var keðjusögin á lofti einungis örfáum sekúndum áður.
Unnið við nýja göngustíginn.
Athugasemdir