Umhverfisátak við hafnirnar

Vefmyndavél sigló.is

Á fundi hafnarnefndar síðastliðinn fimmtudag var ákveðið að ganga að kaupum á vefmyndavélum til að vakta hafnarsvæðið á Siglufirði í þeim tilgangi að bæta umgengni á svæðinu. Þá hefur hafnarstjóra einnig verið falið að leita eftir verðum fyrir vefmyndavélar á hafnarsvæðið í Ólafsfirði. 

Tilboð bárust frá tveimur aðilum sem báðir buðu uppá tvo verðkosti en ákveðið var að ganga til samninga við Securitas, lægstbjóðanda í tilboðinu. Securitas sinnir nú þegar mörgum fyrirtækjum á svæðinu bæði hvað varðar brunakerfi og innbrotakerfi sem og öryggismyndavélar.