Tíðindalaust

Það má nú með sanni segja að það sé tíðindalaust, ég sit bara heima hjá mér og fylgist með bæjarlífinu kvikna á morgnana (frá kl.10:15) og svo er það iðandi líf allann daginn allir í kaupfélaginu að rogast út með hveitipokana í jólabaksturinn og svo fylgist ég með þegar lífið fjara út á kvöldin síðasta hreyfingin er flutningabíllinn að renna í bæinn og svo er það fikt í tölvunni eða eitthvað álíka gáfulegt með þessu frá morgni til kvölds.  
Ég hef aldrei áður verið svona slakur heima, þetta á ekkert rosalega vel við mig enn maður verður að láta þetta yfir sig ganga þegjandi og hljóðalaust.  Það er ekkert svo slæmt að það fylgi því ekki eitthvað gott.

Er búinn að vera að fikta töluvert á facebook undanfarið, það sem maður getur gleymt sér í að njósna um náungann er ekki eðlilegt, svo verður maður að deila upplýsingum um sjálfan sig til að eiga færi á að fylgjast með náunganum eða vininum, já já maður er alltaf að adda vin.
Svo streyma inn allskona boð um hitt og þetta sem ég skil bara ekkert í og er ógeðslega leiðinlegur og ignora bara þá er ekkert vesen sem maður þarf að fylgja eftir, kannski þess vegna fékk ég skilaboð um að það væru "6 vinir sem hata þig" í gær.