Fyrsti körfuboltaleikurinn í 5 ár

Í kvöld tók ég þátt í skemmtilegum körfuboltaleik í íþróttahúsinu hér á Sigló.  Það voru starfsmenn verktakafyrirtækisins Háfells, sem vinna við gerð Héðinsfjarðarganga, sem skoruðu heimamenn á hólm á körfuboltavellinum.  En þeir hafa leikið körfubolta einu sinni í viku eða svo að undanförnu.  Það var skrapað saman í lið heimamanna sem taldi sjö manns og fór það með öruggan sigur af hólmi.Kjarninn í liðinu voru þrír leikmenn frá gullaldarliði Glóa, undirritaður, Raggi Hauks og Danni Pétur en svo höfðum við mjög svo öfluga og stæðilega leikmenn með okkur: Sigga hjúkk, Tomma Óskars, Rúnar Óla og Mark Duffield, já, engir smá kallar.  Sáust ýmis skemmtileg tilþrif og allir skemmtu sér mjög vel.  Aldrei að vita nema þetta verði endurtekið.