Góð frétt að norðan

Fréttir

Góð frétt að norðan

Björn Valur Gíslason

Í gær bárust fréttir af því að rækjuvinnsla myndi hefjast aftur hjá Rammanum á Siglufirði. Þetta eru góðar fréttir, reyndar þær bestu sem hafa heyrst um langan tíma. Á meðan fréttatímar eru fullir af fréttum um gjaldþrot, atvinnuleysi og aðrar hörmungar í atvinnulífi landsins, kemur loksins ein góð frétt að norðan.Það er afar mikilvægt fyrir samfélagið hér fyrir norðan þegar til verða 10-12 störf sem vonandi munu verða fleiri í framtíðinni ef vel tekst til. Ramminn var stór í rækjuvinnslu og veiðum þegar sem mest var um að vera og þraukaði reyndar legur en flestir aðrir þegar halla tók undan fæti. Í fyrirtækinu og samfélaginu öllu er þegar til staðar þekking og færni á þessum sviði sem nú kemur að góðum notum við það sem vonandi er upphafið að endurreisn rækjuvinnslunnar á Siglufirði. Sannarlega góð frétt á erfiðum tímum.