Góð karfaveiði á Reykjaneshrygg
bjoval.hexia.net/faces/blog/list.do?face=bjoval | Rebel | 01.06.2009 | 04:27 | Robert | Lestrar 270 | Athugasemdir (
Björn Valur Gíslason
Þrátt fyrir að veiði á úthafskarfa á Reykjaneshrygg hafi byrjað seint og illa hefur veiðin þar verið mjög góð frá því að karfinn loksins fannst. Úthafskarfafloti Íslendinga er reyndar hvorki stór né fullkominn, aðeins ellefu íslensk skip stunda veiðarnar að þessu sinni, flest þeirra í hópi elstu skipa flotans. En þau fiska vel þegar á þau reynir eins og gert hefur síðustu dagana.
Flotinn er nú að veiðum um 170 sjómílum SV frá Reykjanesi og þokast norðar með hverjum deginum sem líður. Fréttir eru einnig af góðri veiði erlendra skipa við 200 sjómílna lögsöguna að undanförnu. Myndin hér að ofan er af ágætu holi sem strákarnir á Kleifaberginu innbyrtu í morgun og mun væntanlega duga þeim í vinnslunni út daginn, ef ekki lengur.
Athugasemdir