Hjálpardekkin farin!

Fréttir

Hjálpardekkin farin!

Björn Valur Gíslason

Það er stór stund í lífi sérhvers barns þegar hjálpardekkjunum er sleppt í fyrsta skipti. Eftir það finnst ungu hjólreiðarfólki því vera allir vegir færir. Björgvin Máni hafði haldið fast í hjálpardekkin sín þar til einn vordaginn að hann tilkynnti að nú væri tími slíks búnaðar liðinn. Og af fóru hjálpardekkin. Eftir smá pústra og minniháttar skeinur hér og þar, hjólaði hann svo fram og aftur eins og ekkert væri. Reyndar höfðu amma hans og afi uppi ýmiss varnaðarorð um hætturnar sem geta orðið á vegi ungra drengja á slíkum farartækjum. Það er nú líka hlutverk þeirra að vara við öllum mögulegum sem ómögulegum hættum í lífinu. Og strákurinn hjólar og hjólar.

Til baka