Ljóð frá mér í ljóðabók frá Ljóð.is

Ég fékk skemmtilegt símtal í gærkvöldi.  Á hinum endanum var Davíð A. Stefánsson, forsprakki vefjarins ljóð.is, með ósk um að fá að birta eitt ljóða minna í nýju ljóðasafni sem verið er að gefa út fyrir þessi jól á vegum vefjarins.  Í bókinni munu birtast 100 ljóð samtímahöfunda en þetta er held ég 3 bókin af þessu tagi sem gefin er út.  Ég á nokkur ljóð inn á vefnum ljóð.is og hef hugsað mér að setja fleiri þar inn fljótlega.  Það verður gaman að sjá útkomuna.