Myndir

Hér koma nokkrar myndir sem voru teknar um síðastliðna helgi og jú einhverjar voru teknar fyrir þónokkru síðan.

Jói Ott með budduna sína. Ekki Jói Budda samt. Við hlógum svolítið mikið að þessum brandara eins sést á myndinni.

Guðni Sveins nýbúinn að slíta í sundur eitt stk. símaskrá.

Steina Matt og Biddý skoðuðu Hústökuna í Alþýðuhúsinu. En eins og flestir vita þá er Biddý konan hans Jóa sem heldur á buddunni sinni á efstu myndinni.

Gunnar Júlíusson í traktorviðgerðum.

Hjalti Gunn nýkominn af sjónum og bíður snarspenntur eftir því að gestum sunnudagaskólans sé boðið upp í kaffi, kex og piparkökur.

Hér sést Siggi Ægis. Takið eftir því hvað þessi gleraugu fara vel við þessa klippingu.

Hér er hún Ása Guðrún við kökuborðið.

Unnur Guðrún kom að sjálfsögðu á listaverkasýninguna hjá Leikskálum.

Viðar er einn af stjórnendum sunnudagaskólans.

Hljóðlistaverk í Alþýðuhúsinu.

Eyjólfur Bragi alveg út-troðinn eftir veislu í sunnudagskólanum. Það er alveg merkilegt hvað hann er seigur að reikna það út hvenær það er boðið upp á kökur og kruðerí.

Það eru nokkrir byrjaðir að jólaskreyta.

Óli Kára og Geiri Óla.

Þessi mynd er tekin 14. nóv. Það er alveg línuskautafæri. Ellen Daðey, Ólöf og Emma Hrólfdís.

Aðalbakarí og Hvanneyrarskál.

Hjálmar Jóhannesson og Elías Þorvalds á kóræfingu fyrir nokkru síðan.

Hér bíður Óli eftir því söngæfing byrji.

Guðmundur Júní.

Kristófer,  Sigurjón og Mark að spjalla saman um gengi Arsenal í útlenska fótboltanum. Spjallið var alveg ör-stutt að þessu sinni.

Þessi töffari var með bláan hanakamb.

Hilmar Hreiðars og Maggi í SR spjalla saman um listaverkin sem voru á listaverkasýningu Leikskála.

Stúlkuna á myndinni þekki ég ekki en Arnar Ómarsson er til hægri á mynd. Arnar er sonur Öllu Siggu í Alþýðuhúsinu.

Sigrún Ingólfs er komið aftur í  Samkaup.

Í sunnudagaskólanum voru málaðar piparkökur. Einbeitingin leynir sér ekki hjá þessari ungu dömu.

Tormod Enge er einn af þeim sem alltaf er á fullu.

Verið að taka Zion í gegn. Nýju æðstuprestar Zíon-hússins eru til vinstri á mynd og upp í stiga. Eða þeir Sr.Addi og Daði, Djákninn af Zíon eins og þeir vilja víst láta kalla sig. Þessi í appelsínugula vestinu er líklega bara eitthvað grey sem þeir hafa platað til að hjálpa sér. Allavega fékk hann engan stiga. (Reyndar þurfti hann ekki stiga).

Genis húsið glæsilega.

Meira af myndum hér.