Svartur dagur

Svartur dagur Gærdagurinn var einn svartasti dagur í sögu íslenska velferðarkerfisins, þegar ríkisstjórn samfylkingar og sjálfstæðisflokks tilkynnti um

Fréttir

Svartur dagur

http://bjoval.hexia.net | Rebel | 09.01.2009 | 08:24 | Robert | Lestrar 236 | Athugasemdir ()
Björn Valur Gíslason
Björn Valur Gíslason
Gærdagurinn var einn svartasti dagur í sögu íslenska velferðarkerfisins, þegar ríkisstjórn samfylkingar og sjálfstæðisflokks tilkynnti um gífurlegan niðurskurð og endurskipulagningu heilbrigðiskerfisins sem mun leiða til verri þjónustu en við höfum þekkt hér á landi um langa hríð. Í einni ákvörðun var heilsugæsla á landsbyggðinni nánast þurrkuð út, sjúkrastofnanir lagðar niður og stóraukin gjaldtaka lögð á þá sem þurfa að leggjast inn á sjúkrahús. Frjálshyggjufólkið í sjálfstæðisflokknum er komið í draumalandið sitt þar sem það getur með brosi á vör og með stuðningi Alþjóða gjaldeyrissjóðsins molað félags- og heilbrigðiskerfið niður. Það sem verst er að ríkisstjórnin stendur öll að baki þessum árásum, samfylkingin ekki síður en sjálfstæðisflokkurinn. Það þýðir ekkert fyrir formann samfylkingarinnar að benda stöðugt á hinn stjórnarflokkinn og kenna honum um allt. Það er bara ein ríkisstjórn í landinu og á henni bera stjórnarflokkarnir tveir jafna ábyrgð. Upp úr þessu spái ég því að fari að kvarnast meira úr samfylkingunni en hingað til hefur orðið. Sannir jafnaðarmenn láta ekki valta yfir skoðanir sínar og lífsviðhorf með þeim hætti sem nú er gert af hálfu stjórnarinnar. Þetta virðist formaður samfylkingarinnar ekki skynja og lýsir áfram yfir stuðningi við allt ráðherralið ríkisstjórnarinnar og skiptir þá engu hvort þeir hafi orðið uppvísir af afglöpum og lögbrotum í starfi.
Til baka

Athugasemdir

10.janúar 2025

Sk Sigló ehf.

580 Siglufjörður
Netfang: sksiglo(hjá)sksiglo.is
Fylgið okkur á Facebook eða Twitter

Póstlisti

Skráðu netfangið þitt á póstlistan okkur.

Ábendingar

Ertu með ábendingu fyrir síðuna eða góða frétt? Sendu okkur þá póst og við könnum málið.

Sendu póst