Þjóðleg dagskrá í Þjóðlagasetri á 1. maí

Laugardaginn 1. maí verður boðið upp á þjóðlega dagskrá í Þjóðlagasetri sr. Bjarna Þorsteinssonar hér á Siglufirði og hefur hún fengið nafnið Húsgangarar og hagyrðingar.  Hef ég verið beðinn að líta þar inn með gítarinn og flytja eitthvað af mínum lögum, einnig að taka nokkrar stemmur með kvæðamannafélaginu Fjallahnjúkum og síðast en ekki síst að fá nokkra kvæðamenn með mér og kveðast aðeins á.  Verður reynt að verða við þessu af fremsta megni.