Tónleikar á fimmtudag

Næsta fimmtudag verða tónleikar í Allanum (Bíóinu) hér á Sigló þar sem ýmsir siglfirskir tónlistarmenn koma fram.  Tónleikarnir eru haldnir til styrktar dreng sem ólst upp hér á Siglufirði og heitir Valdimar Einarsson en hann hefur átt við erfið veikindi að stríða undanfarin ár, sem og reyndar bróðir hans.  Valdimar er á leiðinni til Svíþjóðar í aðgerð og eru þessir tónleikar ætlaðir til að veita fjölskyldu hans aðstoð við þessa ferð. 
Meðal þeirra sem koma fram eru nemendur úr Tónskólanum, Stúlli og Dúi, hljómsveitin Heldri menn og svo ætlum við félagarnir, Danni, Guito og ég að flytja nokkur lög.  Hvet ég fólk til að fjölmenna, eiga góða stund og styðja við gott málefni.  Sævör, mamma drengjanna, heldur úti heimasíðu þar sem hægt er að fylgjast með líðan og gengi drengjanna, slóðin er www.mammabloggar.blog.is