Kaffi Rauðka - Tónleikar - Lára Rúnars og Myrra Rós

Lára Rúnars hefur getið sér gott orð í tónlistinni bæði hér heima og erlendis. Hún hefur gefið út 3 sólóplötur og sú fjórða, sem nú er í smíðum, kemur út með haustinu. Platan hennar "Surprise" sem kom út 2009 fékk frábæra dóma og komust 4 lög af henni á topplista íslenskra útvarpsstöðva. Árið 2011 var viðburðarríkt ár í lífi Láru en hún kom m.a. fram á tónlistarhátíðum á borð við The Great Escape í Bretlandi, Eurosonic í Hollandi og Iceland Airwaves hér á landi. Einnig fór hún ásamt hljómsveit sinni í tónleikareisu um Þýskaland og Sviss. Lára Rúnars ferðast nú ásamt Myrru Rós um landið að spila nýtt efni og gamalt. Tónleikarnir verða lífrænir og mun hún koma fram berskjölduð með píanóið að vopni.

Myrra Rós er ung tónlistarkona sem gaf nýverið út sína fyrstu sólóplötu sem ber nafnið Kveldúlfur. Platan hefur fengið frábæra dóma og hljóma nú lög af henni á útvarpsstöðvum landsmanna. Platan er angurvær og falleg bæði sungin á ensku og íslensku. Myrra Rós er m.a. stofnandi Trúbatrix sem eru samtök fyrir íslenskar tónlistarkonur. Myrra hefur verið iðin við að spila bæði hér heima og erlendis. Hún kemur fram með gítar í hönd.

Miðaverð 1.500kr
Húsið opnað klukkan 20:00
Tónleikar hefjast klukkan 21:00