Sjómannatónleikar - Bjartmar Guðlaugsson

Það verða frábærir tónleikar á Rauðku í aðdraganda sjómannadagsins en þar mætir enginn annar en Bjartmar Guðlaugsson og rokkar Rauðkuna með gítarinn að vopni en hann er einmitt þekktur fyrir frábæra sviðsframkomu og skemtilega léttan húmor á tónleikum sínum.

Þekktustu og vinsælustu lög Bjartmars eru vafalaust Týnda kynslóðin, Hippinn, 15 ára á föstu og Járnkallinn en Bjartmar var einn vinsælasti tónlistarmaður á Íslandi á núunda áratugnum og sló í gegn árið 1987 þegar hann gaf út vinsælustu plötu sína Í fylgd með fullorðnum.