Tónleikar - Bogomil Font og Hákarlarnir á Hannes Boy

Bogomil Font og Hákarlarnir er ný hljómsveit sem leikur gamla músik.  Bogomil Font syngur ásamt því  að spila á  trommur og slagverk en hann hefur getið sér gott orð í gegnum tíðina með Milljónamæringunum og Flís Tríó svo einhverjir séu nefndir.

Hann hefur nú fengið til liðs við sig gítarleikarann og lagahöfundinn Pétur Ben ásamt Óttari Sæmundsen á kontrabassa.

Tríó þessara dindilmanna er að leika sér með dægurlög frá fimmta og sjötta ártugnum þar sem perlur Hauks Morthens eru áberandi ásamt mörgum öðrum ódauðlegum smellum, íslenskum sem erlendum.
Einnig hafa þeir félagar sérhæft sig nokkuð í hrynvísri tónlist frá Karabíska hafinu en þar er að finna skemmtilegar stefnur með kankvísum nöfnum eins og Kalypsó, Mambó og Kúbanó.