Tónleikar - Stebbi og Eyfi

Fréttir

Tónleikar - Stebbi og Eyfi

Stebbi og Eyfi sendu frá sér geisladiskinn „Fleiri notalegar ábreiður“ fyrir síðustu jól og munu nú á haustmánuðum heimsækja höfuðborgarsvæðið og landsbyggðina og kynna diskinn með tónleikahaldi. Félagarnir mæta á Kaffi Rauðku fimmtudagskvöldið 18. október klukkan 20:30.

Ásamt því að flytja lög af nýja geisladiskinum munu hljóma margar af þeim dægurperlum, sem þeir félagar hafa sent frá sér bæði saman og í sitthvoru lagi, lög eins og „Hjá þér“, „Líf“, „Undir þínum áhrifum“, „Okkar nótt“, „Álfheiður Björk“, „Dagar“, „Danska lagið“, „Allt búið“, „Ég lifi í draumi“, „Góða ferð“, „Þín innsta þrá“, „Draumur um Nínu“ o.m.fl. Einnig munu þeir félagar spjalla á léttum nótum við tónleikagesti og segja óborganlegar sögur úr bransanum.

Þess má geta að Siglufjörður er eini staðurinn, sem heimsóttur er tvisvar í þessari tónleikaferð félaganna, enda fengu þeir félagar frábærar móttökur þar í vor, sem og á öðrum stöðum á Norðurlandi.

Miðaverð: kr. 2.500
Húsið opnað 20:00

Til baka