Boccia mót Tröllabarna og Snerpu

Laugardaginn 1.mars kl 12:00 í íþróttahúsinu Siglufirði

Nú í ár á útvarpsstöðin Trölli 5 ára afmæli.  Að því tilefni langar Tröllabörnum að láta gott af sér leiða út í samfélagið okkar og hefur að því tilefni skorað á Snerpu til keppni í boccia og sett af stað söfnun fyrir félagið með áskorun þessari.

Mikil spenna er innan raða Snerpu og Tröllabarna og hafa stór orð verið látin falla um hver vinnur hvern og þar fram eftir götunum, það kemur nú allt í ljós þann 1.mars 

Mikið er um að vera hjá Snerpu eins og alltaf. Íslandmótin hjá þeim eru í apríl, 11. apríl hjá fötluðum og 26. apríl hjá öldruðum. Svo eiga þau sér draum um að skella sér til Færeyja. 

Útvarpað verður frá Boccia mótinu, ekki er vitað til þess að útvarpað hafi verið beint frá boccia móti áður. Hægt er að hlusta á Trölla á FM 103,7 á Siglufirði, Ólafsfirði, Dalvík, Hrísey, Árskógssandi, Grenivík og nágrenni sem og  netinu á http://fm.trolli.is/ út um allan heim.

Hvetjum alla til að mæta og fylgjast með spennandi keppni og leggja góðu málefni lið

Hægt er að greiða frjáls framlög á mótsstað eða leggja inn á reikning Snerpu 1102-26-102599   kt 561288-2599.

Með bestu kveðju og ósk um góðar viðtökur 

Tröllabörn

Mynd við frétt fengin af netinu.