Dagur hinna villtu blóma.

Sunnudaginn 16. júní sem er "Dagur hinna villtu blóma" ætlar hópur fólks sem kallar sig Flóru vinir að fara í tveggja tíma gönguferð um nágrenni sitt. Gönguferðin er án endurgjalds og þeir sem mæta fá leiðsögn um algengustu plönturnar sem vaxa á svæðinu.

Í ár verður boðið uppá plöntuskoðun í Siglufirði. Gengið verður inn í tunguna milli Selár og Blekkilsár. Gróður snjódældanna skoðaður, að svo miklu leyti sem hann verður kominn upp úr snjó.

Leiðsögn: Hörður Kristinsson, mæting kl. 10:00 innst í Hólsdal þar sem vegurinn endar að vestanverðu.

Flóru vinir