Steini Sveins er "Einn sér eða í smærri hópum".

 

Þátturinn fær það þjála og skemmtilega nafn "Einn sér eða í smærri hópum". Hann segist ekkert vita hvað hann sé að fara útí en við höfum fulla trú á Steina Sveins. Hann lofar að spila góð lög sem eiga ættir að rekja til áttunda áratugarins, sem var víst seint á síðustu öld og örugglega muna margir enn þann dag í dag eftir þeim áratug.

 

Eitthvað verður nú líklega af húmor,glensi og gríni ef ég þekki þennan öðling rétt. Einnig ætlar Steini að gefa Siglfirskum tónlistarmönnum sinn sess í þáttunum (ætli það verði ekki Cargo og fleiri eðalbönd). Einnig ætlar hann að grafa upp lög sem sjaldan eða jafnvel aldrei heyrast í útvarpi. Steini segir að mottó þáttarinns verði  "Öll dýrin í skóginum eiga að vera vinir..."

 

Ég bíð alveg snarspenntur eftir því að heyra í þessum eldhressa dreng.

 

Á stór Fjallabyggðarsvæðinu er hægt að hlusta á stöðin á 103,7 MHz og svo á netinu á fm.trolli.is og smella á hlusta.