Skemmtiferðaskip í höfn á morgun, sunnudag
Skemmtiferðaskipið National Geographic Explorer verður í höfn á Siglufirði á morgun, sunnudag – frá kl. 07:00 og fram til hádegis.
Farþegar eru rúmlega 150 talsins en auk þeirra eru um 100 manns í starfsliði um borð. Farþegarnir munu allir heimsækja Síldarminjasafnið og
sjá síldarsöltun, auk þess sem Kvæðmannafélagið Ríma mun kveða fyrir þau og kynna fyrir þeim íslenskan
þjóðlagaarf.
Sem fyrr er þjónustuaðilum, listamönnum og vinnustofum bent á að gott væri að hafa opið á þessum tíma, og jafnvel setja út
skilti svo gestum sé ljóst að það sé opið. Farþegarnir eru allir Bandaríkjamenn og því ekki ólíklegt að þeir
hafi dollara, frekar en krónur, í vasanum.
Von er á tveimur skemmtiferðaskipum í sumar, en seinna skipið verður í höfn þriðjudaginn 30. júlí. Það heitir Voyager og
verða rúmlega 500 farþegar um borð, auk 250 manna starfsliðs.
Nú þegar hafa verið bókaðar fjórar skipakomur fyrir 2014.
Athugasemdir