Grænt Grænt og aftur Grænt

Ég setti mig í samband við vinkonu mína Steinunni Aðalsteinsdóttur Heilsumarkþjálfa hjá Heilsu Hóteli Íslands og fékk ég ýmsar upplýsingar varðandi græn boost.

 

Það sem skiptir máli við gerð þessara drykkja er að hafa ekki of mikið af ávöxtum á móti grænmetinu það á að vera ca 1/3 af ávöxtum þvi við viljum ekki of mikinn ávaxtasykur.

 

Gott er að nota grænkál, spínat, avacado, brokkolí, gúrku, sellerí eða hvað sem ykkur dettur í hug að nota "allt er vænt sem vel er grænt" en þetta hér að ofan er mjög oft notað.

 

 

Þeir sem eru að byrja í grænum drykkjum þurfa oft lengri tíma til að minnka ávaxtamagnið en hægt og rólega ætti það að komast í rétt hlutfall.

 

Það er frábært að nota engifer út í drykkinn því það gefur góða orku og hefur bólgueyðandi virkni. Sítróna er einnig góð hún hefur basísk áhrif á líkamann og hjálpar líkamanum að losa sig við eiturefni.

 

Ef grænt boost er notað sem máltíð (morgunmatur, hádegismatur eða kvöldmatur) þá er nauðsynlegt að hafa eitthvað próteinríkt  með td. chiafræ eða hampfræ og svo góða fitu eins og úr valhnetum, avacado eða hörfræjum.

 

Trefjarnar úr grænmetinu virka eins og uppþvottarbusti á ristilinn, og öll viljum við hafa allt í góðu standi þar.

 

Nú er bara að skella blandaranum í samband og byrja að boosta.