Matgæðingur vikunnar
Matgæðingar vikunnar eru hjónin Dóra Sallý og Óli Stellu (Halldóra S. Björgvinsdóttir & Ólafur Þór Ólafsson)
Frábær Fiskisúpa
1 stk laukur
2-3 stilkar sellerí
100-200gr. sveppir
2-3 stk paprikur
1 stk fennel + 2 tsk fennelduft eða 4-5 tsk duft ef þið fáið ekki ferskt fennel
1 stk blaðlaukur
Allt skorið smátt og látið krauma í góðri olíu (kókosolía mjög góð) á pönnu.
Færið síðan yfir í stóran pott og bætið í :
5 dl vatn
2 dl hvítvín (eða mysa)
2 stk grænmetisteningar
2 stk hænsnateningar
4 msk tómatpúrre
5 hvítlauksrif
1-2 msk karrý (Sonnentor organic Curry sweet duft fæst í Nettó)
4 msk rifsberjasulta
Smá saffran er alveg himneskt ef þið eigið það til J
Látið allt sjóða saman í um 15-20 mín.
Best er að láta þetta síðan standa á köldum stað yfir nótt til að gefa súpunni enn betra og
kröftugra bragð.
Bætið síðan í þetta allt 1 ½ til 2 lítrum af rjóma, og sjóðið í um 5 mínútur, smakkið, og bætið
salti og pipar eða fennel í ef með þarf. Skerið 1 kg af fiski í teninga t.d. þoskur, ýsa, lax,
bleikja, hörpuskel, langa og humar, skellið út í sjóðandi heita súpuna, takið pottin strax af
heitri hellunni og látið standa í um 5-7 mínútur.
Gott er að bera fram þeyttan rjóma og gróft brauð með þessari yndislegu fiskisúpu.
Ef halda á stórt súpupartý er hægt að drýgja hana með nokkum lítrum að fiskisoði,( vatn +
teningar), cayennepipar á hnífoddi, fenneldufti, rifsberjasultu, grænmeti og fiski.
Athugasemdir