500 bílar að meðatali um Héðinsfjarðargöng á dag

Samkvæmt tölum sem lesnar voru af teljara í Héðinsfirði þá var umferðin dagan 14 – 18 okt um 500 bílar á sólarhring.

Umferðargreinar, sem eiga telja umferð í göngunum, hafa ekki enn verið settir upp þannig að byggt er á tölum sem sóttar hafa verið í teljarann í Héðinsfirði.

Friðleifur Ingi Brynjarsson  verkefnastjóri hjá Umferðardeild Vegagerðarinnar segir að um bráðabirgðatölur sé að ræða.

Friðleifur segir að hundrað metrum vestan við eystri gangamunnann í Héðinsfirði verði sett upp veðurstöð og við hana verði tengdur teljari sem auðvelt verður að lesa af.



Einnig er e-h um það að upplýsingar um umferð, yfir lykkjuna í Héðinsfirði, sem keyrir út á bílastæðið og áfram út hinum megin tapist.

Lausleg athugun á því, leiddi í ljós ca. 10%, yfir miðjan daginn.

Mest var umferðin þann 16 október en þá fóru 635 bílar um Héðinsfjörð. Umferðin var þó mun meiri fyrstu dagana eftir opnun en ekki eru til tölur yfir fjölda bíla.

Þetta eru athyglisverðar tölur í ljósi þess að vegagerðin gerði upphaflega ráð fyrir 350 bílum að hámarki á sólarhring og inn í þessum tölum er ekki sú mikla umferð sem var fyrstu dagana eftir opnun.

Mikil óvissa var í umferðarspám þegar framvæmdir voru að hefjast en tölur vegagerðarinnar gerðu ráð fyrir að framkvæmdin yrði arðbær miðað við 350 bíla meðalumferð á sólarhring allt árið

Það er nokkuð ljóst að umferðin er búin að vera langt umfram það og spennandi verður sjá hvernig sumarumferðin þróast.



Meðaldreifing umferðar.