Bjarni Sæmundsson RE-30

Bjarni Sæmundson RE-30 annað af tveimur sérútbúnum rannsóknarskipum Hafrannsóknarstofnunar lá við bryggju í Siglufirði í gærkvöldi.


Samkvæmt rannsóknaráætlun Hafrannsóknarstofnunar er skipið nú við rannsóknir á úthafsrækju.

Á heimasíðu sjávarútvegráðuneytis kemur fram að rækjan á Íslandsmiðum skiptist í aðalatriðum í rækju á grunnslóð (innfjarðarækju) annars vegar og úthafsrækju hins vegar.

Stofnmat og stjórn rækjuveiðanna tekur mið af þessu. Hvað stærðina varðar eru staðbundnir stofnar á grunnslóð breytilegir frá einum tíma til annars og einu svæði til annars.

Hverju veiðisvæði er því stjórnað sérstaklega og leyfilegur hámarksafli ákveðinn í samræmi við ráðgjöf sérfræðinga Hafró.

Samkvæmt upplýsingum frá heimasíðu hafrannsóknarstofnunar þá beinast leiðangrar rannsóknaskipanna m.a. að hverskyns vistfræðiathugunum, stofnmælingum, kortlagningu sjávarbotns, fiskmerkingum, veiðarfærarannsóknum o.m.fl.