Búið að steypa

Framkvæmdir eru í fullum gangi hjá Rauðku og nýverið var lokið við það að lyfta rauða húsinu við smábátahöfnina um 50 cm.


Að lyftingu lokinni var farið í það að steypa varanlegan sökkul fyrir húsið og lauk þeirri framkvæmd í vikunni sem leið.

allt gekk að óskum og er húsið nú hið reisulegasta að sjá. Starfsmenn Rauðku fara nú í það að loka húsinu og búa það undir veturinn.

Húsið verður svo klætt að utan með timbri og innréttað í vetur. Stefnt er að því að starfssemi í húsinu hefjist næsta sumar.