Cleopatra Fisherman á hringferð

Þessi bátur, Ólafur HF 51 – 2781 er á ferð umhverfis landið, en verið er að kynna bátinn og fyrirtækið sem smíðaði hann.

sksiglo.is fór um borð til að skoða gripinn þar sem hann lá við Togarabryggjuna á Siglufirði.

Þetta er að sjá vel smíðaður bátur, utan sem innan, hlaðinn nýjasta tæknibúnaði til veiða og siglinga.

Héðan fer báturinn til Ólafsfjarðar og síðan á aðrar hafnir við Eyjafjörð og áfram austur, en ferðin hófst í upphafi í Hafnarfirði.

Skipstjóri bátsins er Karel Karlsson og vélstjórinn Jóhann Ólafur Ársælsson.

Nánari upplýsingar um bátinn  og honum tengt er hægt að nálgast á vefsíðunum www.cleopatra.is  og www.asafl.is