Gleði í snjónum í dag kl.15 !

Bandarísk listakona, Bridget Batch sem dvelur í Herhúsinu biður Siglfirðinga á öllum aldri að vera "leikendur" í vídeóverki sem hún er að vinna að og verður tekið upp við Háveg í dag, föstudag. Þátttakendur þurfa að vera hlýlega klæddir, með húfu og vettlinga því að meiningin er að þeir velti sér niður brekku, ýmist einir, í litlum eða stórum hópum eftir fyrirmælum listakonunnar. Bridget vonast til að sem flestir mæti kátir og hressir og taki þátt í þessu með henni. Verkið mun svo verða sýnt á listsýningum víða um heim. 
Áhugasamir leikendur eru beðnir um að mæta upp á Háveg, við húsið hennar Maddýjar.  -ök