Gunnar Þórðarson, í kvöld klukkan 21:00 í Bátahúsinu

Gunnar Þórðarson. Mynd fengin á: http://bubbinn.bloggar.is/blogg/page8

Búist er við mikilli aðsókn á tónleika Gunnars Þórðarsonar í bátahúsinu klukkan 21:00 í kvöld en forsala miða er nú hafin í þjónustumiðstöð Rauðku, bláa húsinu, við höfnina.

Gunnar Þórðarson er landsmönnum kunnur enda hefur hann leikið í hljómsveitum á borð við Hljóma, Trúbrot, Flowers og Ríó Tríó og er hann einn allrafærasti gítarleikari landsins.

Félagarnir heimsfrægu í Fílapenslunum standa að tónleikunum en þeir troða síðan sjálfir upp á stóra sviðinu á laugardag klukkan 15:30.