Kindur skapa hættu

Töluverð hæta skapaðist fyrir bíla sem óku í gegnum Strákagöng í áttina til Siglufjarðar. Það var nokkuð grjóthrun úr fjallinu vegna þess að nokkrar kindur voru að rölta um fyrir ofan gangamunnann.

Það hrundi töluvert úr fjallinu undan kindunum og var mikil mildi að þeir bílar sem óku í gegn urðu ekki fyrir grjóthnullungum.

Lausaganga búfjár á vegum er víðtækt vandamál hér á landi sem haft hefur í för með sér slys og slysahættu og ógnað öryggi vegfarenda.

Vegurinn til Siglufjarðar er oft umsetinn rollum sem gæða sér á Lúpínum sem vaxa og dafna vel við vegarkantinn, spurning hvort að megi ekki slá þessa Lúpínu.