Lagning rafstrengs

Starfsmenn Steypustöðvar Skagafjarðar vinna nú að lagningu rafstrengs í gegnum bæinn. Raflögnin kemur til með að tengjast nýju aðveituhúsi RARIK á Eyrinni.
 
Þau tímamót verða við tilkomu Héðinsfjarðarganga að rafmagnsöryggi mun aukast og verður eins og best gerist. 

Háspennujarðstrengur  kemur alla leið frá Dalvík, um Ólafsfjörð, mun tengjast Siglufirði austan frá og hins vegar er háspennulögnin frá Skeiðsfossi.

Fram til þessa hefur Siglufjörður verið á enda raflínu og treysta þurfti á dísilvélar ef truflanir urðu. Með tvöfaldri tengingu er þörf á varafli hverfandi.

Það er ljóst að það er töluvert rask sem fylgir þessum framkvæmdum en þetta er engu að síður nauðsynleg framkvæmd sem eykur raföryggi bæjarins til muna.