Lognið á undan storminum

Það var fallegt um að litast í morgun og fjörðurinn skartaði sínu fegursta.

Þetta er þó skammgóður vermir  því það er allt útlit fyrir vonskuveður um helgina.

Veturkonungur ætlar eitthvað að þenja sig um helgina og má búast við að veður fari hægt versnandi á föstudag með norðaustan stormi.

Útlit er svo fyrir norðaustan 18-23 m/s og mikla snjókomu eða él á laugardag.

Fjörðurinn er þó alltaf glæsilegur sama hvaða búningi hann er í. 

Það er því um að gera að taka vetrinum fagnandi og njóta alls þess sem snjórinn býður upp á.