Mikil aðsókn í Menntaskólann á Tröllaskaga

Alls hefja 86 nemendur nám á vorönn hjá Menntaskólanum á Tröllaskaga en 21 nýr umsækjandi sótti um inngöngu í skólann á vorönninni, því miður komust færri að en vildu.

Flestir námshópar eru nú orðnir yfirfullir í skólanum en þessi mikli fjöldi umsækjenda kom stjórnendum skólans ánægjulega á óvart. Flestir umsækjendur koma frá Siglufirði, næst frá Ólafsfirði en nokkrir umsækjendur voru annarstaðar frá.