Öflugur stuðningur fyrirtækja
Í gær var skrifað undir samstarfssmaning um stuðning við frumkvöðlaverkefni í gegnum verkefnið RÆSING í Fjallabyggð. Er það liður í að virkja mannauðinn í samfélaginu og stuðla að frumkvöðlaverkefnum. Ásamt Nýsköpunarmiðstöð og Fjallabyggð eru sjö fyrirtæki sem leggja verkefninu lið með fjárframlagi. Kemur þetta fram á vef Fjallabyggðar.
Í hádeginu var skrifað undir samstarfssamning Nýsköpunarmiðstöðvar Íslands, Fjallabyggðar og sjö fyrirtækja sem styrkja
verkefnið Ræsing í Fjallabyggð. Það eru fyrirtækin Olís, Samkaup Úrval, Sigló-Hótel, Vélfag ehf., Sparisjóður
Siglufjarðar, Rammi hf og Arion banki sem veita þessu verkefni styrk og nemur styrkupphæð þeirra samtals 1.000.000 kr.
Fjallabyggð og Nýsköpunarmiðstöð setja svo sitthvora milljónina í verkefnið.
Upplýsingar um verkefnið RÆSING í Fjallabyggð má lesahér á heimsíðu Fjallabyggðar og nánar á heimasíðuNýsköpunarmiðstöðvar Íslands.
Eftirtaldir aðilar skrifuðu undir samstarfssamninginn:
Fyrir hönd Fjallabyggðar: Gunnar I. Birgisson bæjarstjóri
Fyrir hönd Nýsköpunarmiðstöðvar: Guðmundur Óli Hilmisson, verkefnastjóri
Fyrir hönd Vélfags: Auðunn Guðnason
Fyrir hönd SPS: Ólafur Jónsson
Fyrir hönd Arion banka: Helgi Jóhannsson
Fyrir hönd Samkaup-úrval: Þorsteinn Þorvaldsson
Fyrir hönd Sigló-Hótel: Sigríður María Róbertsdóttir
Fyrir hönd Olís: Jón Andrjes Hinriksson
Fyrir hönd Ramma ehf: Ólafur Marteinsson
Heimild:www.fjallabyggd.is
Athugasemdir