Opnun Héðinsfjarðarganga

Dagskráin fyrir vígsluathöfn Héðinsfjarðarganga er afar glæsileg og má búast við miklu fjölmenni á þennan merka viðburð.

Að gefnu tilefni er bent á að almennri umferð í gegnum göngin verður ekki hleypt á fyrr en kl. 15.50.

Fram að þeim tíma verða Rútuferðir í boði og ættu allir sem vilja vera við athöfnina að komast.



Tilkynning frá bæjarstjóra :

Helgin 2 og 3. október næstkomandi verður tilkomumikil.

Stórviðburður í sögu Fjallabyggðar þar sem allir taka þátt í að
sameina tvo frábæra byggðarkjarna í eitt raunverulegt og
samtengt sveitarfélag.

Íbúar Siglufjarðar og Ólafsfjarðar sem og gestir þeirra og
Vegagerðar munu streyma í Héðinsfjörð og verða við vígslu á
göngum sem tengja Fjallabyggð saman.

Allir eru boðsgestir þennan dag og hefur bæjarstjórn ákveðið að
bjóða gestum í veglegt kaffisamsæti þar sem bæjarbúar
Fjallabyggðar sameinast og drekka kaffi með sínum gestum.

Tíu rútur munu stöðugt aka um Héðinsfjörð, á milli bæjarkjarna, til
að koma í veg fyrir umferðar öngþveiti í göngum og / eða í
Héðinsfirði.

Til að tryggja aðkomu bæjarbúa að vígslunni verður komið fyrir
búnaði í báðum byggðarkjörnunum þannig að íbúar geti fylgst með
þessum atburði beint í gegnum skjávarpa.

Kaffisamsætið verður í íþróttamiðstöð Fjallabyggðar Í Ólafsfirði
að þessi sinni.

Hafið þakkir fyrir góðan undirbúning og viðtökur ágætu bæjarbúar
– sameinuð stöndum við.

Sigurður Valur Ásbjarnarson, bæjarstjóri.