Öryggishjálmar frá Kiwanis og Eimskip

Kiwanisklúbburinn Skjöldur á Siglufirði kom færandi hendi í Grunnskóla Siglufjarðar í hádeginu í dag og afhenti að venju, krökkunum í 1. bekk skólans reiðhjólahjálma að gjöf.

En þetta er árlegt framtak af hálfu Eimskips og Kiwanishreyfingarinnar á Íslandi.

Það var gaman að fylgjast með áhuga krakkanna er hjálmanna fengu, og opinskárra umræða af þeirra frumkvæði.

Forseti klúbbsins á Siglufirði, Ingvar Erlingsson byrjaði á kynningu á félagstarfi Kíwanishreyfingarinnar og svo  lýsingu á hinni brýnu þörf þess að allir krakkar sem fullorðnir notuðu öryggishjálma.

Síðan hjálpuðust þeir félagar Steinar Baldurs og Ingvar að dreifa hjálmunum til krakkanna.

Guðmundur lögregluþjónn sem þarna var einnig mættur kenndi krökkunum hvernig ganga skuli frá hjálmunum á höfði krakkanna og lagði þeim til góðar lífsreglur varðandi umferðina.
Kennari krakkanna er Mundína Bjarnadóttir

 Nokkrar myndir frá í dag eru HÉR