Siglufjarðarsamban slær í gegn

Síldarlagið 2010 er Siglufjarðarsamban sem hefur heldur betur slegið í gegn og vakið mikla athygli. Lagið er að ganga í gegnum endurnýjun lífdaga en það kom upphaflega út árið 1995 á plötu með hljómsveitinni Gautum.


Lagið í þeirri útgáfu sem nú vekur mikla athygli er mikið samvinnu verkefni margra Siglfirðinga sem annaðhvort búa enn á Siglufirði eða eru brottfluttir. Birgir Ingimarsson safnaði þessum hóp saman og var lagið tekið upp í Hljóðrita fyrr í sumar

Höfundur lagsins er Elías Þorvaldsson, gítarleikari Gauta frá Siglufirði og textinn er eftir Sigurð Jóhannsson. Við Upptöku lagsins voru samankomnir margir flottir tónlistarmenn sem margir hverjir tengjast Siglufirði.

Lagið er nú búið að fara sem eldur í sinu um netheima og vakið mikla athygli á samskiptasíðunni facebook auk þess sem það hefur fengið mikla spilun á youtube.

Auk þess hefur fólk verið duglegt að biðja um lagið í útvarpinu. Sannarlega mikið sumar í þessu lagi og um að gera fyrir Siglfirðinga að vekja athygli á þessu lagi annaðhvort á netinu eða hafa samband við útvarpsstöðvar.