Sjómannslífið í söng og mynd

Það var sannkallaður sjómannadagur í Bíó Paradís í gærkvöldi.
Þar var heimildarmyndin Roðlaust og beinlaust eftir Ingvar Þórisson frumsýnd.

Hún fjallar um samnefnda hljómsveit í áhöfn frystitogarans Kleifarbergs ÓF-2. Björn Valur Gíslason, alþingismaður, sjómaður og meðlimur í Roðlaust og beinlaust, sagði að kjarni hljómsveitarinnar væri af Kleifarberginu.

Tveir félagar í landi hafa séð um upptökur, útsetningar o. fl. Fjölmargir hafa komið að hljómsveitinni í gegnum tíðina.
Tíu ár eru síðan fyrsta plata hljómsveitarinnar, Bráðabirgðalög, kom út.
Við höfum spilað saman okkur til skemmtunar. Svo komum við að skemmtun í kringum sjómannadag, að mig minnir, og sömdum þá þetta fína blúslag sem heitir Roðlaust og beinlaust, eins og hljómsveitin.
Upp úr því fóru að koma fleiri lög," sagði Björn Valur í umfjöllum um hljómsveitina.