Tár bros og takkaskór

Pæjumótið hélt áfram í blíðskaparveðri í gær. Leikgleðin skein úr andlitum keppenda og fjöldi leikja fór fram.

Pæjumótið er engin smá framkvæmd og skipulagið og undirbúningur þarf að vera til fyrirmyndar til þess að dæmið gangi upp.

Fréttamaður siglo.is brá sér á svæðið í gær og kom það honum nokkuð á óvart hversu stórt í sniðum þetta mót er. Það var leikið á öllu svæðinu og fóru u.þ.b. 150 leikir fram á föstudaginn, sennilega hefur fjöldi leikja verið svipaður í gær.

Mótsstjórnendur og þeir fjölmörgu sjálfboðaliðar sem koma að mótinu eiga hrós skilið fyrir framkvæmdina og það er nokkuð víst að þessir þúsund keppendur eða svo koma til með að eiga góðar minningar um dvöl þeirra á Siglufirði.



Þróttarastelpurnar búa sig undir leik við Stjörnuna



Anna Hermína stappar stálinu í sitt lið



Það var hart tekist á í leiknum en heimastúlkur unnu að lokum góðan 2- 0 sigur á Gróttu. Stelpurnar eru í góðu formi eftir frækna för til Svíþjóðar og skilaði það sér greinilega í leiknum.

Mótinu lýkur svo í dag og eru mótsslit áætluð klukkan 15:30.